BENZİN TƏYZİQİNİN ÖLÇMƏSİ
Yanacaq relsində (reykasında) təzyiqin manometr vasitəsilə yoxlanması mühərrikin yanacaq sisteminin düzgün işləyib-işləmədiyini müəyyənləşdirmək üçün vacib diaqnostika üsuludur.
Yanacaq reykasında təzyiqin yoxlanması nə üçün lazımdır:
1. Mühərrikin işə düşməsindəki problemlərin diaqnostikası
- Əgər mühərrik çətinliklə fırlanır, lakin işə düşmürsə, səbəb yanacaq təzyiqinin zəif olması ola bilər.
- Aşağı təzyiq nəticəsində inyektorlar yanacağı düzgün çiləyə bilmir.
2. Benzin nasosunun işini yoxlamaq
- Manometr göstərir ki, nasos hansı təzyiqi yaradır — bu, nasosun düzgün işlədiyini müəyyən etməyə kömək edir.
- Açar söndürüldükdən sonra təzyiqin tez düşməsi sistemdə sızma (məsələn, təzyiq tənzimləyicisi və ya inyektor sızması) olduğunu göstərə bilər.
3. Yanacaq filtrinin vəziyyətini qiymətləndirmək
- Tıxanmış filtr yanacağın axınına maneə yaradır, nəticədə təzyiq aşağı olur.
4. Təzyiq tənzimləyicisinin yoxlanması
- Əgər təzyiq qeyri-sabitdirsə və ya normadan kənardadırsa, bu, təzyiq tənzimləyicisinin nasaz olduğunu göstərə bilər.
5. “Təxmin” əvəzinə dəqiq diaqnostika
- Şamlar, sensorlar və ya nasosla bağlı problemin olub-olmadığını təxmin etməkdənsə, yanacaq verilişi ilə bağlı problemin olub olmadığını dəqiq müəyyən etmək olar.
Manometr nə göstərir:
- Cari təzyiqi (bar və ya kPa ilə ölçülür).
- Təzyiqin davamlılığını — açar söndürüldükdən sonra təzyiqin saxlanılıb-saxlanılmadığını.
- İşləyən mühərrikdə təzyiqin sabitliyini.
Relsdə normal təzyiq neçə olmalıdır?
Bu avtomobilin markası və mühərrik növündən asılıdır:
- Adətən 3,5 bar - 5 bar arası (atmosferik benzin mühərriklər üçün).
- Turbo və ya GDI sistemlərində bu göstərici Aşağı təzyiqli yanacaq nasosu (LPFP) – yanacağı bakdan nasoslayır (təxminən 5–6 bar), Yüksək təzyiqli yanacaq nasosu (HPFP) – birbaşa püskürtmə üçün təzyiqi 200+ bar-a qədər artırır və onu ancaq kompyuter diaqnostikası ilə "Live Data" rejimində yoxlamaq olur.
